ઈનામી જમીનના અનઅધિકૃત કબજાને નિયમબદ્ધ કરવા સરકારનો મહત્વનો નિર્ણય
ઈનામી જમીનોના અનઅધિકૃત કબજાને નિયમબદ્ધ કરવા માટે રાજ્ય સરકાર દ્વારા તા. ૨૮/૦૮/૨૦૨૩ના રોજ ક્રમાંક (૧) થી (૯) મુજબના ઠરાવો બહાર પાડવામાં આવ્યા હતા. જોકે, આ ઠરાવોના અમલ દરમિયાન અનેક જમીનધારકોને નિયમબદ્ધ પ્રક્રિયામાં વ્યવહારુ મુશ્કેલીઓનો સામનો કરવો પડી રહ્યો હોવાનો અનુભવ સરકારને થયો છે.
આ પરિસ્થિતિને ધ્યાનમાં લઈને અને જમીનધારકોને વધુ સરળ અને અસરકારક રીતે લાભ મળી રહે તે હેતુથી સરકાર દ્વારા હવે ઠરાવમાં મહત્વપૂર્ણ સુધારો કરવામાં આવ્યો છે.
શું છે નવા સુધારાની જોગવાઈ?
હવે અગાઉના ઠરાવના પેરા–૧ને બદલે નીચે મુજબની નવી સૂચના અમલમાં લાવવામાં આવી છે :
-
જે જમીનો રીગ્રાન્ટ થઈ છે પરંતુ કબજાકિંમત ભરપાઈ કરવામાં આવી નથી
-
જે જમીનો રીગ્રાન્ટ માટે પાત્ર હોવા છતાં કોઈ કારણસર રીગ્રાન્ટ થઈ શકી નથી
-
આવી જમીનોના મૂળ કબજેદાર, તેમના વારસદારો
-
અથવા આવી જમીનોની તબદીલી થઈ ગઈ હોય અને હાલ અન્ય વ્યક્તિના કબ્જામાં હોય
👉 આવા તમામ કેસોમાં હાલના કબજેદાર પાસેથી પ્રવર્તમાન જંત્રી કિંમતના ૨૦% જેટલી કબજારક રકમ વસૂલ કરીને અનઅધિકૃત કબજો નિયમબદ્ધ કરવામાં આવશે.
અન્ય નિયમોમાં કોઈ ફેરફાર નથી
સરકાર દ્વારા સ્પષ્ટ કરવામાં આવ્યું છે કે :
➡️ ક્રમાંક (૧) થી (૯) ના ઠરાવમાં પેરા–૧ સિવાયની બધી જ જોગવાઈઓ યથાવત અમલમાં રહેશે.
નિષ્કર્ષ
ઈનામી જમીનોને લઈને વર્ષોથી ચાલતી કાયદાકીય ગૂંચવણો દૂર કરવા માટે સરકારનો આ નિર્ણય મહત્વપૂર્ણ માનવામાં આવી રહ્યો છે. ૨૦% જંત્રી દરે કબજારક ચુકવીને અનઅધિકૃત કબજાને નિયમબદ્ધ કરવાની તક મળવાથી અનેક જમીનધારકોને રાહત મળશે.
ઓફિસિયલ પરિપત્ર Download કરો.
Comments
Post a Comment